Saturday, 4 June 2011

മഴ!


 ഞാൻ..

അടഞ്ഞ ജനലിനു പുറത്ത്
മഴ
താളവ്യത്യാസങ്ങളില്ലാതെ..

ഇരുട്ടിലീയിത്തിരി വട്ടത്തിൽ
ഗസലായി എന്നിലേക്ക്
മഴ..

എന്നെ എന്നിലേക്കെത്തിച്ച്,
നുണകളെ,
എന്റെ പൊയ്മുഖങ്ങളെ
കുതിർത്ത്..
ആത്മാവിലേക്ക് പെയ്തിറങ്ങുന്ന
മഴ പോലെ
മെഹ്ദി ഹസൻ പാടിക്കൊണ്ടിരിക്കുന്നു

ഈ ഏകാന്തത മാത്രമാണ് സത്യം.
ഈ ഇത്തിരി നിമിഷങ്ങളും
ഈ ഇരുട്ടും ഈ മഴയും,
കരളുപറിച്ചെടുക്കുമീ ഈണങ്ങളും,
ഉള്ള് നീറ്റും അറിയാ വ്യഥകളും
കവിളു നനയിക്കുമീ മിഴിനീരിൻ
ഇളം ചൂടും,
എന്നിലെയീ ഞാനും

ഇത് മാത്രമാണ് സത്യം..

മെഹദി ഹസൻ പാടിക്കൊണ്ടിരിക്കുന്നു..

അടഞ്ഞ ജനലിനു പുറത്ത്
മഴ
താളവ്യത്യാസങ്ങളില്ലാതെ..

1 comment:

  1. ഏകാന്തത... ഹോ!!! സഹിച്ചൂടാ

    ReplyDelete